Цярэнція Марыніча 15 траўня асудзілі на яшчэ 15 дзён арышту за «Прапаганду ці публічную дэманстрацыю нацысцкай сімволікі» (арт. 19.10 КаАП РБ), перадаюць валанцёры на канале «Вясна назірае».
Цярэнцій Марыніч – 31-гадовы стэндап-комік, які 25 красавіка наведаў мітынг фанатаў АМАП у менскім Уруччы і спрабаваў далучыцца да акцыі, аднак сутыкнуўся з агрэсіўным стаўленнем удзельнікаў. 27 красавіка яго затрымалі і склалі пратакол за «Дробнае хуліганства», якое ён нібыта ўчыніў ужо на тэрыторыі РУУС. Суддзя Анастасія Ляйкоўская прысудзіла яму тады арышт на 15 дзён. Цярэнцій тады распавёў, што ў РУУСе яго прыкоўвалі кайданкамі да лаўкі.
Што за «нацысцкую сімволіку» меў Марыніч і калі яе дэманстраваў або прапагандаваў, невядома.
АА belsat.eu