Раніцай 14 верасня сродкі супрацьпаветранай абароны знішчылі два ўкраінскія беспілотнікі над Чорным морам каля ўзбярэжжа Краснадарскага края, паведамляе Мінабароны Расеі.
Пра дроны над Сочы паведамлялася ў мясцовым тэлеграм-канале: «У Сочы дроны. Раён Мацэста. Штук пяць-шэсць. Чутныя былі хлапкі каля Алімпійскага парку і нават у цэнтры. Прыкладна ў 6:55–7:10».
У іншых тэлеграм-каналах паведамлялася аб працы СПА над Адлерам: паводле сведчанняў мясцовых жыхароў, прагучала каля 5–6 выбухаў, пасля чаго ў некаторых дамах у акрузе выключылася святло.
Як паведамляе агенцтва «РИА Новости» пацярпелых і разбурэнняў у Сочы з-за ўкраінскіх беспілотнікаў няма, усе сістэмы горада працуюць штатна.
З-за атакі беспілотнікаў у аэрапорце Сочы былі часова абмежаваныя палёты. На дадзены момант аэрапорт працуе ў штатным рэжыме.
Раман Шавель belsat.eu