Прэзідэнт Турцыі Рэджэп Таіп Эрдаган заявіў, што ахвярамі разбуральнага землятрусу сталі дзясяткі тысячаў чалавек. Стыхія забрала жыцці больш за 35 тысячаў грамадзянаў краіны, піша выданне Anadolu.
У Турцыі да гэтага часу працягваюцца ратавальныя аперацыі. Колькасць ахвяраў падлічваецца, але ўжо перакрочыла 35 тысячаў чалавек.
«Я хацеў бы выказаць свае спачуванні кожнаму з маіх 35 тысячаў 418 грамадзянам, якія загінулі падчас землятрусу, а таксама іх сваякам і нашай нацыі. Я малюся Госпаду аб хутчэйшым выздараўленні нашых 105 505 параненых людзей, якія былі выратаваныя нашымі камандамі. 13 208 параненых усё яшчэ знаходзяцца на лячэнні ў нашых больніцах», – сказаў Рэджэп Таіп Эрдаган.
У суседняй Сірыі, якую таксама закрануў землятрус, паводле звестак ААН на 12 лютага, загінулі 5714 чалавек і 9949 атрымалі раненні.
Землятрус магнітудаю 7,8 здарыўся ўночы 6 лютага на мяжы Турцыі і Сірыі. За ім адбылося ўжо больш як 2100 афтэршокаў. Удары ад яго адчуваліся і ў суседніх краінах, у тым ліку ў Ліване і на Кіпры.
Алена Аляксандрава belsat.eu
