Літва разглядае варыянты выдачы дакументаў беларускім уцекачам замест страчаных ці пратэрмінаваных пашпартоў. Аб гэтым ішла размова падчас сустрэчы прадстаўніка Абʼяднанага пераходнага кабінету Валера Кавалеўскага з дырэктаркай дэпартаменту міграцыі МУС Літвы Эвелінай Гудзінскайтэ.
Тэлеграм-канала Абʼяднанага пераходнага кабінету паведаміў 14 снежня, што прадстаўнік кабінету Валер Кавалеўскі і дырэктарка дэпартаменту міграцыі МУС Літвы Эвеліна Гудзінскайтэ абмеркавалі працэдуру выдачы неабходных дакументаў грамадзянам Беларусі, якія знаходзяцца ў Літве і не могуць аднавіць свой страчаны або памяняць пратэрмінаваны пашпарт
«Падчас сустрэчы Валер Кавалеўскі і Эвеліна Гудзінскайтэ разам з іншымі прадстаўніцамі дэпартаменту абмеркавалі працэдуру выдачы дакументаў грамадзянам Беларусі, якія цяпер знаходзяцца ў Літве і па абʼектыўных прычынах не могуць памяняць пашпарты, што сталі несапраўднымі з-за сканчэння тэрміну дзеяння або страты. Пасля канчатковай дапрацоўкі працэдуры Абʼяднаны пераходны кабінет апублікуе інфармацыю аб умовах і спосабах атрымання такога дакументу», – гаворыцца ў паведамленні.
Таксама на сустрэчы былі абмеркаваны іншыя праблемныя пытанні, з якімі сутыкаюцца беларусы ў Літве, іншых краінах ЕЗ і ва Украіне. Для іх вырашэння бакі дамовіліся на шэраг рэгулярных сустрэч.
Раней паведамлялася, што з студзеня беларусы, якія атрымалі часовы від на жыхарства з гуманітарных прычынаў у Польшчы, змогуць атрымаць польскі праязны дакумент для замежніка.
Антон Тачняк belsat.eu