Прэзідэнт Расеі Уладзімір Пуцін і Аляксандр Лукашэнка падчас незапланаванай сустрэчы 13 ліпеня дамовіліся аб крэдытнай падтрымцы Беларусі і дамовіліся аб цане на газ. Пра гэта паведаміў прэс-сакратар расейскага прэзідэнта Дзмітрый Пяскоў.
Па выніках перамоваў, якія прайшлі ў Санкт-Пецярбургу, Пуцін і Лукашэнка дамовіліся пра захаванне цэны на расейскі газ у 2022 годзе на ўзроўні бягучага году.
Таксама яны дамовіліся аб аб’ёмах крэдытнай падтрымкі ў сувязі з падатковым манеўрам у Расеі. Лукашэнка паабяцаў выконваць усе абавязкі па крэдытах, «чаго б гэта яму ні каштавала».
Уся сустрэча працягвалася больш за пяць гадзін.
У мінулы раз Пуцін і Лукашэнка сустракаліся ў канцы траўня ў Сочы. Тады абмяркоўваўся другі трансфер на $ 500 млн у рамках расейскага крэдыту Беларусі, а таксама лёс затрыманай у Менску Софʼі Сапегі.
АД, belsat.eu
