Намесніцы дырэктара менскай гімназіі ды ейнай дачцэ прысудзілі па 2 гады калоніі за ўдзел у пратэставых маршах
13.04.202213:00
У судзе Ленінскага раёну Менску 12 красавіка судзілі палітзняволеных Святлану Хромаву і ейную дачку Яну, паведамляюць праваабаронцы.
Вядома, што ім закідалі ўдзел у трох маршах.
Святлана і Яна Хромавы.
Фота: viasna96/Telegram
Суддзя Марына Клімчук прызнала Хромавых вінаватымі паводле ч. 1 арт. 342 («Арганізацыі і рыхтаванне дзеянняў, што груба парушаюць грамадскі парадак, або актыўны ўдзел у іх»). Прысуд – 2 гады пазбаўлення волі ў калоніі агульнага рэжыму кожнай.
Маці і дачку затрымалі ў канцы снежня 2021 года. Святлана працавала намесніцаю дырэктара менскай гімназіі № 42.
Hавiны
За каментары пра вайну ва Украіне ў Менску затрымалі дырэктара крэатыўнага бюро
2022.04.12 23:49
АД belsat.eu
