Знаёмыя і сваякі журналіста Уладзіміра Пучынскага паведамляюць у Facebook, што ён памёр праз каронавірус уначы на 12 кастрычніка. Яму быў 51 год.
Аб смерці Уладзіміра Пучынскага публічна паведаміў літаратурны даследнік Павел Каралёў, пазней сумную навіну пацвердзіла дачка памерлага.
Пучынскі працяглы час працаваў у «Краязнаўчай газеце» намеснікам галоўнага рэдактара, а сёлета стаў галоўным рэдактарам.
За захаванне газеты яму даводзілася змагацца: выданне нерэнтабельнае, бо мае невялікі наклад. Газета прыпыняла і аднаўляла выхад з прычыны фінансавых праблемаў.
Агулам «Краязнаўчая газета» выходзіць 18 гадоў, піша пра традыцыі і гісторыю розных рэгіёнаў Беларусі.
АА belsat.eu