Следчы камітэт паведамляе пра трагедыю ў Ждановічах Менскага раёну, што адбылася 10 верасня.
Паводле СК, позна вечарам 10 верасня паступіла паведамленне пра пажар у ждановіцкім жылым доме. Туды выехала следча-аператыўная група.
«Падчас агляду месца былі знойдзеныя целы жанчыны і 50-гадовага мужчыны з агнястрэльнымі раненнямі. Паводле папярэдняй інфармацыі, напярэдадні загінулыя распівалі спіртное ў гасцях. Паміж імі адбыўся канфлікт.
Мужчына застрэліў жанчыну, падпаліў хату, пасля чаго скончыў жыццё самагубствам», – паведамляецца ў прэс-рэлізе СК.
В доме праваахоўнікі знайшлі зброю і боепрыпасы. Апытваюцца сведкі.
Распачатая крымінальная справа паводле ч. 1 арт. 139 («Забойства») Крымінальнага кодэксу.
Глеб Нержын belsat.eu