У Магілёве прысудзілі адміністратыўны арышт Алегу Дзьячкову. Старшыню Магілёўскай гарадской арганізацыі Таварыства беларускай мовы і экскурсавода абвінавацілі ў распаўсюдзе экстрэмісцкай інфармацыі, паведамляе Telegram-канал «MAYDAY».
Алега Дзьячкова затрымалі 9 жніўня. Напярэдадні ў яго доме сілавікі зладзілі ператрус, падчас якога вынялі кампутар.
Міліцыянты знайшлі на старонцы ў сацыяльных сетках экскурсавода некалькі рэпост «Белсату». Нагадаем, што 27 ліпеня наша тэлеканал прызналі экстрэмісцкім.
Алег Дзьячкоў свае віны не прызнаў і пазначыў, што допісы былі яшчэ да таго, як канал прызналі экстрэмісцкім.
Але суддзя Вікторыя Палякова прызнала Алега вінаватым у парушэнні ч.2 арт. 19.11 КаАП РБ («Распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці ці прапагандуе такую дзейнасць») і прысудзіла яму 15 содняў арышту. Акрамя таго, суддзя пастанавіла канфіскаваць кампутар, з якога, паводле дадзеных міліцыі, былі зробленыя рэпост.
СК belsat.eu
