З 1 сакавіка сёлета згодна з новым КаАП істотна выраслі памеры штрафаў за ўдзел у несанкцыянаваных масавых мерапрыемствах. Праваабаронцы падлічылі, што за час дзеяння кодэксу ў Беларусі аштрафавалі 55 матуляў, якія выхоўваюць няпоўнагадовых дзяцей.
З 1 сакавіка максімальны памер штрафу па абноўленым артыкуле 24.23 КаАП павялічылі з 30 да 100 базавых велічыняў (з 870 да 2900 рублёў). А пры паўторным прыцягненні па гэтым артыкуле сума штрафаў можа вырасці да 200 базавых велічыняў, або 5800 рублёў.
Па новых артыкулах за ўдзел у мірных акцыях пратэсту міліцыянты ў Беларусі затрымалі больш за 250 жанчын. Штрафы прысудзілі 114 жанчынам, у 55 з каторых ёсць няпоўнагадовыя дзеці. Памер штрафаў складаў ад 25 да 200 базавых велічыняў (725 – 5800 рублёў). У выніку мамы няпоўнагадовых дзяцей атрымалі агулам штрафаў на 116 290 рублёў.
СК belsat.eu
