Беларускія вайскоўцы прыбылі ў Казахстан увечары 6 студзеня пяццю самалётамі. Там яны будуць выконваць задачу па ахове і абароне вайсковага аэрадрому, распавёў намеснік камандуючага сіламі спецаперацый Узброеных Сіл Беларусі Сяргей Андрэеў.
Раней у ў беларускім Міністэрстве абароны паведамілі, што вайсковы кантынгент «міратворчых» сілаў Беларусі пачаў выкананне задач па ахове шэрагу важных аб’ектаў вайсковай інфраструктуры Казахстану.
Адзначаецца, што вайскоўцы АДКБ не прыцягваюцца да аператыўна-баявых мерапрыемстваў па навядзенні правапарадку ў краіне.
Нагадаем, беларускія вайскоўцы з 103-й асобнай паветрана-дэсантнай віцебскай брыгады прыляцелі ў Казахстан у рамках праграмы АДКБ па просьбе прэзідэнта Казахстана Касыма-Жамарта Такаева. Іх даставілі з аэрадрому ў Мачулішчах каля Менску на расейскіх вайскова-транспартных самалётах Іл-76.
АД, belsat.eu
