У Менску ўначы 8 студзеня абрынулася пешаходная частка мосту праз вуліцу Няміга. Пра гэта паведамілі ў Міністэрстве надзвычайных сітуацыяў Беларусі.
Пацярпелых няма. Прычыны і абставіны здарэння высвятляюцца.
Чытачы «Белсату» падзяліліся з намі фотаздымкамі з месца здарэння.
Паводле генеральнага дырэктару «Гаррамаўтадар Менгарвыканкаму» Дзяніса Глінскага, папярэдняя прычына абвальвання часткі – старэнне жалезабетонных канструкцый, запраектаваных у 1962 годзе.
«Плануецца каля тыдня адвесці на дэмантаж пуцеправода і паралельнае з гэтым праектаванне будаўніцтва», – заявіў Глінскі.
Ён таксама адзначыў, што правяраецца экспертнае заключэнне, складзенае адносна мосту ў 2021 годзе.
Мост праз Нямігу, які абваліўся ў Менску, плануюць разабраць за тыдзень.
AA belsat.eu
