Блогер і аўтар перадачы «Гэта ж Вінаград!» Павел Вінаградаў атрымаў 7 ліпеня 15 содняў адміністратыўнага арышту.
Паўла Вінаградава пакаралі за пост на Facebook, у якім ён крытыкаваў ідэю выходзіць на пратэст 9 траўня. Суд палічыў ягоны пост заклікам да ўдзелу.
Вядоўцу затрымалі вечарам 5 ліпеня ў ягоным доме ў Беразіне паводле артыкулу 24.23 КаАП – за «несанкцыянаваную акцыю». У доме правялі ператрус, забралі лічбавую тэхніку.
У публікацыі, за якую быў вынесены прысуд, Павел Вінаградаў крытыкаваў ідэю Паўла Латушкі выходзіць на пратэст 9 траўня:
«У мяне такое адчуванне, што гэта заклік з разраду «Глядзіце! Глядзіце! Я таксама магу абвяшчаць даты пратэстаў. Як Ціханоўская». Дык і я так магу! Усе! Выходзім дзясятага! Толькі толку – ***** [ніколькі]».
Бацька Паўла Юрый Вінаградаў лічыць, што той пост быў толькі нагодай, а сапраўдная прычына затрымання – асабістая помста сілавікоў яго сыну.
МГ belsat.eu
