Святлана Ціханоўская працягвае шэраг працоўных міжнародных візітаў. На гэтым тыдні – 8 і 9 – чэрвеня лідарка дэмакратычнай Беларусі наведае Рыгу, паведамляе Delfi.lv.
У сталіцы Латвіі Ціханоўская сустрэнецца з прэзідэнтам краіны Эгілсам Лэвітсам, старшынём Сейму Інараю Мурніецэ. Таксама пройдзе шэраг сустрэчаў з дэпутатамі парламенту.
Акрамя таго, запланаваная сустрэча з прэм’ер-міністрам Артурсам Карыньшам, кіраўніком МЗС Латвіі Эдгарам Рынкевічам, мэрам Рыгі Мартыньшам Стакісам і былым старшынём Народнага фронту Латвіі Рамуалдасам Ражукасам.
У межах візіту Святлана Ціханоўская выступіць з прамоваю перад дэпутатамі Сейму.
Нагадаем, што ў красавіку ўрады Латвіі ды Эстоніі пастанавілі да 2023 года прыпыніць выдачу ВНЖ грамадзянам Беларусі. Аднак МЗС Латвіі пастанавіў не прыпыняць выдавання гуманітарных візаў рэпрэсаваным беларусам.
Раман Лугоўскі belsat.eu