Старшыня ЦВК Беларусі Ігар Карпенка ў эфіры тэлеканалу «Беларусь 1» распавёў, чаму адмянілі галасаванне за мяжой Беларусі.
Першай прычынай Карпенка назваў колькасць выбарцаў:
«Парадку недзе траціны нашых дыппрадстаўніцтваў не адчыняюць таму, што колькасць людзей, якія могуць галасаваць на гэтым участку, меншая за 20 чалавек».
У краінах, дзе больш за 20 выбарцаў, старшыня ЦВК бачыць іншыя нагоды не рабіць участкаў для галасавання. Напрыклад, малая колькасць работнікаў амбасады:
«Вы ведаеце, што сёння ўведзены шэраг абмежаванняў, санкцый і гэтак далей, і, вядома, прайшла аптымізацыя тых супрацоўнікаў, якія там працуюць. Гэта таксама не дазваляе паўнавартасна арганізаваць працу ўчасткаў».
Як звычайна, вялікую ўвагу беларускі чыноўнік надаў і засцярозе ад каронавіруса:
«Пытанні бяспекі, уключаючы санэпідбяспеку. Гэта значыць, у кожнай канкрэтнай краіне ёсць нейкія абмежавальныя захады, якія ўвогуле не дазваляюць паўнавартасна арганізаваць гэтую працу».
Тым часам каб перадухіліць заражэнне каронавірусам у Беларусі ЦВК прыдумаў толькі зняць шторкі з кабінак для галасавання. Пра наяўнасць ці адсутнасць масак або вакцынацыі ЦВК у сваіх метадычках не згадвае.
МГМ, belsat.eu