Міністэрства падаткаў і збораў у сувязі з адсутнасцю і дарагоўляй у Беларусі чэкавай стужкі выдала рэкамендацыі суб’ектам гаспадарання. Пра гэта паведамляе Office Life.
Ведамства дазволіла гандлю выдаваць пакупнікам з іхнай згоды чэкі ў электронным выглядзе.
Таксама МПЗ рэкамендавала выключыць раздрукоўку на чэках рэкламнай і іншай інфармацыі, абавязковасць указання якой не ўстаноўленая заканадаўствам.
Апроч таго, у міністэрстве заклікалі бізнес набываць менш якасныя чэкавыя стужкі.
Раней у Расеі праз выкліканы санкцыямі дэфіцыт і падаражэнне касавай стужкі таксама прапанавалі адмовіцца ад папяровых чэкаў.
ПС belsat.eu