Мужа праваабаронцы і палітзняволенай Марфы Рабковай Вадзіма Жаромскага пераарыштавалі на 10 содняў, паведамляе «Вясна».
Вадзім Жаромскі сёння, 6 студзеня, мусіў выйсці на волю па сканчэнні тэрміну арышту. Але гэтага не адбылося. Праваабаронцам стала вядома, што яго перазатрымалі і засудзілі яшчэ на 10 содняў.
Нагадаем, Вадзіма затрымалі раніцаю 22 снежня ў яго дома ў Менску. Яго арыштавалі на 15 содняў за «непадпарадкаванне» міліцыянтам. Новы год ён сустрэў у ЦІП на Акрэсціна.
Тым часам, ягоная жонка — каардынатарка валанцёрскай службы «Вясны» Марфа Рабкова сёння трэці год запар адзначае дзень народзінаў у СІЗА № 1. 6 верасня яе асудзілі да 15 гадоў калоніі, а пасля суда затрымалі калегаў-праваабаронцаў і дыпламатаў.
Антон Тачняк belsat.eu