Беларускія памежнікі паведамляюць, што грамадзянін Нямеччыны папрасіў статус уцекача ў Беларусі. Пра гэта піша Дзяржаўны памежны камітэт.
Паводле беларускіх памежнікаў, 4 снежня каля мяжы з Польшчаю затрымалі мужчыну, які папрасіў атрымання статуса ўцекача ў Беларусі. Абставіны затрымання і якім чынам мужчына мінаў мяжу, не паведамляюцца.
Замежнікам аказаўся грамадзянін Нямеччыны. Прычынаю сваёй пастановы змяніць месца жыхарства ён назваў тое, што нібыта ў яго на радзіме пагаршаюцца ўмовы жыцця.
Алена Аляксандрава belsat.eu