Наймацнейшыя за апошнія 140 гадоў залевы ў Кітаі, атакі на ўрадавыя будынкі ў Кіеве. Галоўныя здымкі тыдня

Святкаванне 79-й гадавіны Варшаўскага паўстання, якое паднялося сіламі Арміі Краёвай і прадстаўнікамі польскага ўраду ў выгнанні супраць нямецкай акупацыі 1 жніўня 1944 года, ля палацу культуры і навукі ў Варшаве, Польшча.

Грузіны, беларусы і ўкраінцы пратэстуюць супраць прыбыцця расейскага круізнага лайнера «Astoria Grande» з расейскімі турыстамі ў Батумі. Сярод пасажыраў лайнера прысутнічалі зоркі расейскага музычнага тэлеканалу RU.TV, якія падтрымліваюць вайну супраць Украіны. Паліцыяй былі затрыманы 19 дэманстрантаў. Батумі, Грузія.

Жанчына ідзе сярод абгарэлых пасля ляснога пажару хвой ля гораду Мелула на паўночным захадзе Тунісу.

Рабочы па тэхнічным абслугоўванні стаіць ля пашкоджанага ўрадавага будынку пасля атакі беспілотнікаў у Кіеве, Украіна.

Пекін сутыкнуўся з наймацнейшай колькасцю ападкаў за апошнія 140 гадоў. У выніку паводкі выкліканай бесперапыннымі дажджамі сама меней 21 чалавек загінулі і 27 лічацца зніклымі без вестак. Пекін, Кітай.

Манумент «Радзіма-маці» падчас рэканструкцыі: рабочыя здымаюць савецкую эмблему са шчыта манументу ў Кіеве. Да 24 жніўня, Дня незалежнасці Украіны, плануецца заменіць савецкі герб украінскім трызубцам. Кіеў, Украіна.

Ратавальныя службы Мексікі выцягваюць на тросах пасажырскі аўтобус, які з’ехаў з дарогі і ўпаў у яр. У выніку ДТЗ загінулі сама меней 18 чалавек і 23 атрымалі раненні. Тэпік (Tepic), Мексіка.

МУС Грузіі праводзіць пошука-ратавальную аперацыю пасля апоўзня ў курортным горадзе Шові. У выніку апоўзня, выкліканага разлівам ракі Чанчахі, загінулі мінімум 11 чалавек. Шові, Грузіі.

Украінка Святлана Сушко плача пасля наведвання магілы свайго малодшага сына, украінскага салдата, які загінуў у мінулым годзе. Кіеў, Украіна.