Аляксандр Лукашэнка на нарадзе 5 жніўня даручыў сілавікам узмацніць працу па ахове дзяржаўнай мяжы. Пра гэта паведамляе БелТА.
«З сённяшняга дня ні адна нага на тэрыторыю Беларусі з сумежнага боку, няхай гэта будзе з поўдня ці з захаду, ступіць не павінна. Як вы будзеце гэта рабіць – вось пасля гэтай нарады, абмяркуем, – зберацеся ў дзяржсакратара. Тут міністр МУС, міністр абароны. Закрыйце кожны метр мяжы. Мы нездарма ўкладвалі каласальныя сродкі ў памежныя войскі, у нашы наогул сілавыя структуры», – заявіў Лукашэнка.
Пры гэтым ён таксама прыгразіў суседнім краінам, калі яны «пачнуць рэалізоўваць тактыку выправаджэння людзей, якіх яны туды паклікалі».
«Мы іх папярэдзілі, а яны няхай думаюць», – сказаў ён.
Нагадаем, што 2 ліпеня Аляксандр Лукашэнка даў загад цалкам перакрыць мяжу з Украінай. Але ў суседняй краіне заявілі, што не адбылося істотных змен абстаноўкі або скарачэння прапускной здольнасці на мяжы паміж Украінай і Беларуссю.
МГ belsat.eu