10 снежня 2023 года на Беларускай чыгунцы пачынае дзеяць графік руху цягнікоў на 2023/2024 гады. Ён будзе дзеяць цягам года, паведамляе прэс-служба БЧ.
Усяго прадугледжанае курсаванне 762 пасажырскіх цягнікоў.
У новым графіку скарочаны час у дарозе на 17 гадзінаў і зменены маршрут руху цягніка Менск – Архангельск. Дзякуючы гэтаму пасажыры гэтага цягніка змогуць ехаць у Яраслаўль і Волагду праз Маскву.
Акрамя таго, у пасажыраў з’явіцца магчымасць праезду з Менску да Мінеральных Водаў і Ніжняга Ноўгараду. На гэтыя цягнікі ўжо прададзена больш за 700 квіткоў.
Што датычыцца ўнутрырэспубліканскіх паездак, то сталіцу Беларусі і абласныя цэнтры, а таксама буйныя гарады звяжуць больш як 60 цягнікоў міжрэгіянальных і рэгіянальных лініяў бізнес-класу.
У пятніцы і нядзелі прызначаны новы цягнік міжрэгіянальных лініяў № 623/624 на маршруце Віцебск – Менск – Віцебск.
Акрамя гэтага, працягнуты маршрут цягніка міжрэгіянальных лініяў № 635 Менск – Пінск да станцыі Берасце-Цэнтральнае з прыпынкамі ў раённых цэнтрах Іванава, Драгічын, Кобрын і Жабінка.
Таксама ў новым графіку руху арганізаванае курсаванне 72 цягнікоў гарадскіх лініяў і каля 500 цягнікоў рэгіянальных лініяў эканом-класу для перавозу пасажыраў на больш як 50 кірунках.
СП, belsat.eu
