Прэзідэнт ЗША Джо Байдэн заклікаў распачаць супраць прэзідэнта Расеі Уладзіміра Пуціна міжнароднае следства ў справе аб ваенных злачынствах, учыненых расейскім войскам. Апроч таго Байдэн заявіў, што будзе дабівацца ўвядзення дадатковых санкцыяў супраць Расеі, паведамляе AP.
«Тое, што адбылося ў Бучы – абуральна, і ўсе гэта бачаць! Пуцін з’яўляецца ваенным злачынцам»,
– дадаў Байдэн.
Нагадаем, што пасля вызвалення Бучы ад расейскіх войскаў у горадзе было знойдзена больш за 340 целаў забітых і закатаваных цывільных жыхароў. Прэзідэнт Украіны Уладзімір Зяленскі заклікаў журналістаў усяго свету задакументаваць злачынствы для суду і гісторыі.
Амерыканскі прэзідэнт пракаментаваў сітуацыю ў Бучы пасьля таго, як прэзідэнт Украіны Уладзімір Зяленскі наведаў горад, дзе пасля выхаду расейскага войска знайшлі мноства целаў мірных жыхароў. Аднак Байдэн не пагадзіўся з ацэнкай Зяленскага, адказаўшы, што жудасныя забойствы не з’яўляюцца генацыдам.
Нагадаем, што сёння прэзідэнт Еўрапейскай камісіі Урзуля фон дэр Ляен заявіла, што ЕЗ накіруе следчых ва Украіну, каб дапамагчы мясцоваму генеральнаму пракурору «задакументаваць ваенныя злачынствы».
ХЗ belsat.eu