Пералік тэрыторыяў «з напружанай сітуацыяй на рынку працы ў 2024 годзе» апублікавалі на Нацыянальным прававым інтэрнэт-партале. У спісе – 23 раёны. Два гады такога пераліку не абнародавалі.
Улады прызналі праблемы з працаю ў 23 раёнах.
У Берасцейскай вобласці:
- Івацэвіцкі;
- Маларыцкі.
У Віцебскай вобласці:
- Бешанковіцкі;
- Верхнядзвінскі;
- Пастаўскі;
- Расонскі;
- Сенненскі;
- Ушацкі;
- Чашніцкі;
- Шумілінскі.
У Гомельскай вобласці:
- Ельскі;
- Нараўлянскі;
- Рэчыцкі;
- Хойніцкі.
У Гарадзенскай вобласці:
- Дзятлаўскі.
У Менскай вобласці:
- Вялейскі.
У Магілёўскай вобласці:
- Дрыбінскі;
- Клічаўскі;
- Краснапольскі;
- Магілёўскі;
- Мсціслаўскі;
- Асіповіцкі;
- Чэрыкаўскі.
У пералік праблемных рэгіёнаў улучаюць тыя, дзе звальняюць болей, чымся бяруць на працу, дзе беспрацоўных болей, чымся вакансіяў. Акрамя таго, улічваецца, колькі асобаў, якія звярнуліся па дапамогу ў цэнтры занятасці, здолелі ўладкавацца на працу, а таксама дынаміка колькасці занятых у эканоміцы.
У 2020 годзе, як прызнаваў урад, з працаю было складана ў 29 рэгіёнах, а ў 2021 годзе – у 22.
Летась Савет Міністраў пастанавіў не ўлучаць у гэтыя спісы гарадоў абласнога падпарадкавання.
Сцяпан Кубік belsat.eu
