Навукоўцы ў Францыі выявілі яшчэ адзін варыянт каронавірусу, піша Deutsche Welle. Аб ім пакуль мала што вядома.
Новы штам выявілі ў падарожніка, які вярнуўся з Камеруна. Ён, як мяркуецца, заразіў як мінімум 12 чалавек на поўдні Францыі. Тэсты паказалі ў заражаных «атыповую камбінацыю мутацыяў».
Новы варыянт каронавірусу атрымаў часовае абазначэнне B.1.640.2, яго адкрыццё прыпісваецца навукоўцам Міжземнаморскага інстытуту інфекцыйных захворванняў у Марсэлі. У папярэднім даследаванні, якое яшчэ павінна прайсці экспертную ацэнку, гаворыцца, што ў новым варыянце выяўлена 46 мутацыяў.
Не выключана, што гэты варыянт можа быць больш заразны за папярэднія. Аднак пакуль аб ім вядома мала, вывучэнне знаходзіцца на пачатковым этапе.
РР belsat.eu