Беларусь у найбліжэйшыя дні прыме пакет эканамічных санкцый у адказ супраць Захаду. Пра гэта 3 снежня заявіў прэм’ер-міністр Раман Галоўчанка пасля нарады ў Аляксандра Лукашэнкі.
«Мы падрыхтавалі і ў бліжэйшыя дні ўвядзем пакет мер у адказ эканамічнага рэагавання на тыя абмежавальныя дзеянні, якія прыняты адносна нашай краіны», – сказаў Раман Галоўчанка, перадае БелТА.
Паводле яго, «спіс будзе даволі вялікім».
«Гэта ўжо будуць не так званыя асіметрычныя меры і не фармальныя. Гэта будуць эканамічныя меры ў адказ на тое, які ціск мы робім», – падкрэсліў Галоўчанка.
Нагадаем, што 2 снежня чарговыя пакеты санкцыяў супраць уладаў Беларусі ўвялі Еўрапейскі Звяз, ЗША, Вялікая Брытанія і Канада. У спісы ўвайшлі як фізічныя асобы, датычныя да міграцыйнага крызісу і да рэпрэсіяў унутры Беларусі, гэтак і цэлыя кампаніі, у тым ліку Беларуская калійная кампанія, «Белавія», «Славкалий», «Горадня Азот», «Белшына» і іншыя.
МГ belsat.eu