Пра вызваленне Івана Багдзевіча стала вядома ў панядзелак, 2 траўня, паведамляе праваабарончы цэнтр «Вясна».
Івана Багдзевіча затрымалі ў кастрычніку 2020 года і абвінавацілі ў «дзеяннях, накіраваных на парушэнне спакою грамадзянаў» і непадпарадкаванні прадстаўнікам улады.
У чэрвені 2021 года суд Першамайскага раёну Менску пакараў мужчыну двума гадамі калоніі паводле арт. 342 КК РБ («Арганізацыя і рыхтаванне дзеянняў, што груба парушаюць грамадскі парадак, або актыўны ўдзел у іх»).
12 траўня Івану Багдзевічу споўніцца 28 гадоў. Ён мае траіх няпоўнагадовых дзяцей.
Да затрымання Іван актыўна ўдзельнічаў у пошуках зніклых людзей як валанцёр пошукавага атраду «Анёл».
ГГ, belsat.eu