Вучэнні сталі рэакцыяй двух краінаў на ядравыя эксперыменты Пхеньяну.
Авіяносная група ВМС ЗША на чале з атамным авіяносцам «Карл Ўінсан», а таксама ваенны флот Паўднёвай Карэі распачалі супольныя вучэбныя манеўры ў Японскім моры.
«Манеўры сталі працягам марскіх вучэнняў, што прайшлі з удзелам абедзвюх краін у Жоўтым моры на мінулым тыдні, цытуе заяву паўднёва-карэйскіх медыяў «Інтэрфакс». – Іх мэта – стрымліваць правакацыі Паўночнай Карэі і ўмацоўваць баявую гатовасць альянсу Паўднёвай Карэі і ЗША».
Вучэнні сканцэнтруюцца на адпрацоўцы задач па выяўленні, адсочванні і перахопе міжкантынентальных балістычных ракет, якія могуць быць запушчаныя з тэрыторыі КНДР.
Учора паўночнакарэйскае войска правяло артабстрэл з ужываннем знішчальнікаў, танкаў, сістэмаў залпавага агню на ўсходнім узбярэжжы краіны.
Паводле Доналда Трампа, паводзіны Паўночнай Карэі могуць прывесці да вайсковага канфлікту.
Дакладны графік амерыкана-карэйскіх вучэнняў медыям не падалі.
Авіяносная група ВМС ЗША раней ужо правяла вучэнні з караблямі Марскіх сіл самаабароны Японіі.
Раней у суботу КНДР правяла чарговае ракетнае выпрабаванне. CNN са спасылкай на афіцыйнага прадстаўніка ЗША падае, што запушчаная ракета выбухнула ў паветры і не дасягнула Японскага мора. Паводле падлікаў тэлеканалу, гэта дзявяты ракетны запуск КНДР за 100 дзён прэзідэнцтва Доналда Трампа.
ДД