Аляксандр Рымашэўскі
Прэс-служба Міністэрства ўнутраных справаў паведаміла пра затрыманне старшыні Салігорскага райвыканкаму Аляксандра Рымашэўскага.
Чыноўніка затрымалі на месцы злачынства ў момант атрымання хабару ў памеры $ 2,7 тыс., напісана на сайце МУС.
Паводле дадзеных аператыўнікаў, старшыня Салігорскага райвыканкаму на працягу доўгага часу злоўжываў службовымі паўнамоцтвамі падчас вырашэння пытанняў па закупцы сродкаў абароны раслінаў, насення і запасных частак для сельскагаспадарчай тэхнікі арганізацыяў раёну.
Супраць Аляксандра Рымашэўскага распачалі крымінальную справу за «атрыманне хабару». Яму пагражае да 15 гадоў пазбаўлення волі з канфіскацыяй маёмасці.
У МУС сцвярджаюць, што старшыня Салігорскага райвыканкаму сістэматычна атрымліваў хабар ад прадстаўнікоў камерцыйных структур за дапамогу ў першачарговым пагашэнні запазычанасцяў мясцовых аграпрадпрыемстваў за пастаўленую прадукцыю. Гэтая інфармацыя цяпер правяраецца.
Глядзіце таксама:
НМ, belsat.eu