Сіноптыкі абʼявілі на 4-5 студзеня памаранчавы ўзровень небяспекі.
Чакаецца снег, галалёдзіца і моцны вецер.
3 студзеня будзе мокры снег і мяцеліца. Воблачна, на дарогах галалёдзіца. Вецер – заходні, умераны. Тэмпература паветра цягам дня – ад 0 да -6 градусаў.
4 студзеня на большай частцы тэрыторыі краіны чакаецца ўзмацненне ветру парывамі да 15-21 м/с, раніцай і днём моцны снег.
5 студзеня па паўночна-заходняй палове краіны раніцай і ўдзень у многіх раёнах краіны – узмацненне ветру парывамі да 15-20 м/с.
У Менску 4 студзеня ноччу і ў першай палове дня чакаецца ўзмацненне ветру парывамі да 15-20 м/с, удзень – моцны снег. 5 студзеня – ўзмацненне ветру парывамі да 15-18 м/с.
ДР belsat.eu паводле БелаПАН