Паводле звестак Цэнтральнай выбарчай камісіі Беларусі, за два дні датэрміновага галасавання ўдзел у ім узялі 12,75 % выбарцаў.
Больш за ўсё за 4 і 5 жніўня людзей прагаласавала на Гомельшчыне – 16,44 %, а найменш на Гарадзеншчыне – 10,01 %.
На Берасцейшчыне афіцыйны лік тых, хто прагаласаваў датэрмінова, складае 11,26 %, у Менску – 11,73 %, на Віцебшчыне – 12,16 %, на Меншчыне – 12,61 %, а на Магілёўшчыне – 14,61 %.
Датэрміновае галасаванне будзе працягвацца яшчэ тры дні – да суботы 8 жніўня ўключна.
Між тым кампанія «Права выбару», якая аб’ядноўвае восем палітычных партый і грамадзянскіх структур, фіксуе беспрэцэдэнтную колькасць парушэнняў падчас датэрміновага галасавання. Толькі ў першы дзень назіральнікамі было зафіксавана 472 выпадкі парушэнняў.
МГ belsat.eu