Гэтыя лічбы былі агучаныя падчас Пецярбургскага міжнароднага эканамічнага форуму, паведамляе расейскае прыватнае тэлебачанне «Царьград ТВ».
У матэрыяле «Царьград ТВ» распавядаецца пра адкрыццё эканамічнай зоны прамыслова-вытворчага тыпу «Алабуга» у Татарстане. Рэзідэнты эканамічнай зоны атрымалі шэраг падатковых і мытных прэферэнцыяў.
Але, на Пецярбургскім міжнародным эканамічным форуме (ПМЭФ) высветлілася, што «у Алабузе ёсць не ўсё, што неабходна інвестарам» – у 62 % малых гарадоў Расеі няма цэнтральнай каналізацыі, у 40 % – няма водазабеспячэння.
«Востра стаіць пытанне прыбіральняў, якое просяць развязаць інвестараў. У тым ліку замежных», піша business.tsargrad.tv.
«Мы можам казаць пра любыя магчымасці, пра развіццё нацыянальнай ідэнтычнасці, пра турыстычны патэнцыял, але, калі, прабачце, у нас няма гаршка і вады, то ў нас з турызмам і з усім астатнім будуць праблемы», – кажа дырэктар асацыяцыі водазабеспячэння Расеі Алена Даўлатава.
«Туалетный вопрос» у малых гарадах Расеі, у якіх жыве каля 17 млн чалавек, не вырашаецца галоўным чынам праз недастатковую колькасць сродкаў у мясцовых бюджэтах.
Паводле класіфікацыі Міністэрства рэгіянальнага развіцця РФ малымі гарадамі могуць лічыцца гарадскія пасёлкі, а таксама населеныя пункты, дзе жыве не больш за 50 000 чалавек.
ЮВ, belsat.eu
Фота вокладкі – kurjer.info