Досвіткам 6 кастрычніка Расея абстраляла цэнтр Харкава. З папярэдніх звестак, пацярпелі 16 асобаў, сярод якіх – 11-месячнае дзіця. 10-гадовы хлопчык загінуў, ягонае цела дасталі з-пад завалаў жылога дому, паведаміў мэр Харкава Ігар Тэрэхаў.
Паветранай трывогі ў Харкаўскай вобласці на момант першых паведамленняў пра ўдары абвешчана не было, піша УНІАН. Потым пра атаку паведаміў кіраўнік Харкаўскай абласной вайсковай адміністрацыі Алег Сынегубаў.
«Увага, акупанты наносяць удары. Жыхары Харкава і вобласці, перабывайце ва ўкрыццях», – напісаў ён.
У выніку абстрэлу ў Харкаве былі пашкоджаныя два шматкватэрныя дамы і знішчаны трохпавярховік. З-пад завалаў аднаго з дамоў дасталі цела 10-гадовага дзіцяці. Яшчэ 16 асобаў атрымалі траўмы.
Таксама ноччу 6 кастрычніка дронамі была атакаваная Адэская вобласць, у выніку чаго было пашкоджанае збожжасховішча. Кіраўнік адэскай абласной вайсковай адміністрацыі Алег Кіпэр паведаміў, што загарэліся 9 цяжкавых аўтамабіляў, функцыянаванне паромнай пераправы было часова спыненае. Пацярпелых няма.
5 кастрычніка Расея атакавала сяло Гроза ў Купянскім раёне. Загінула 51 асоба.
Марыя Міхалевіч belsat.eu