36-гадовы мужчына параніў сем чалавек на цэнтральным вакзале Дусэльдорфа, Нямеччына, увечары 9 сакавіка. Згодна з паведамленнем мясцовай паліцыі, злачынец затрыманы. Ён дзейнічаў адзін. Рух транспарту быў адноўлены ўночы.
Aftermath of axe attack at #Dusseldorf central train station which left several injured https://t.co/37pjwbivto pic.twitter.com/Fr63R4DjmN
— Ruptly (@Ruptly) 9 марта 2017 г.
Прыкладна а 21 гадзіне па мясцовым часе 9 сакавіка мужчына з сякерай выйшаў з прыгараднага цягніка на цэнтральным вакзале Дусэльдорфа і здзейсніў напад на пасажыраў. У выніку трое пацярпелых атрымалі цяжкія пашкоджанні, яшчэ чацвёра былі паранены лёгка.
Як паведамляе мясцовая паліцыя, злачынец зʼяўляецца выхадцам з адной з Балканскіх краін і, відавочна, «мае праблемы з псіхічным здароўем».
На вакзале адбылася эвакуацыя, рух цягнікоў быў прыпынены. Паліцыя падключыла сілы спецыяльнага рэагавання і верталёты. Мужчына быў затрыманы. Пры спробе збегчы ён саскочыў з мастка і моцна параніўся. Яго стан пакуль не дазваляе правесці допыт, таму прычыны і матывы яго дзеянняў застаюцца невядомымі.
Паліцыя Дусэльдорфа лічыць, што злачынца быў адзін і пагрозы для пасажыраў больш няма.
ВЧ, паводле afp.com
