Сёння Аляксандр Лукашэнка, выступаючы на сустрэчы з бізнесоўцамі, заявіў, што ў краіне «ніякіх датэрміновых выбараў не будзе».
Ён адзначыў, што падчас падрыхтоўкі праекта бюджэту на 2018 год было прынята рашэнне дадаткова частку сродкаў накіраваць у рэзервовы фонд прэзідэнта.
«Прымаючы новы бюджэт,«лямант» паднялі бізнесоўцы ад палітыкі. Тыя выдаткі, што былі запланаваны ў бюджэце, я яшчэ на 10% скараціў, пералічыўшы гэтыя сродкі ў рэзервовы фонд прэзідэнта, які ў бюджэце будзе – не ў мяне ў кішэні – і будзе выкарыстоўвацца па прапановах урада і парламента », – цытуе Лукашэнку БелТА.
«Там некаторыя кажуць: прэзідэнт стварыў вялікі рэзервовы фонд, напэўна, выбары датэрміновыя будуць. Ніякіх датэрміновых выбараў у нас не будзе. Няма для гэтага ніякіх падставаў, тэндэнцый і іншых прычын », – падкрэсліў ён.
Нагадаем, выбары прэзідэнта Беларусі прайшлі ў 2015 годзе, а наступныя павінны адбыцца не пазней за 30 жніўня 2020 года.
КА, belsat.eu
