Кіраўнік Беларусі падчас сённяшніх кадравых прызначэнняў адказаў на «крытыку ў медыях і інтэрнэце».
«Некаторыя кажуць, вось, прэзідэнт зладзіў разнос. Нейкая паказальная лупцоўка, кадравыя чысткі. Ніякі разнос, ніякія чысткі прэзідэнту нявыгадныя. Таму што ўрад фармуе прэзідэнт. Так, ён кансультуецца, вывучае гэтыя кандыдатуры з грамадскімі арганізацыямі… Але ўказ падпісвае прэзідэнт па прызначэнні чальцоў ураду. І што, вы хочаце сказаць, што я прызначыў гэтых чальцоў, каб разнос зладзіць? Гэта значыць самому сабе. Таму прэзідэнту ну ніяк не выгадна мець такі ўрад, якому трэба ладзіць разнос », – заявіў кіраўнік краіны.
«Але калі ўрад, прызначаны прэзідэнтам, не тое што не праводзіць той курс, які пазначаны, які народам выпакутаваны і падтрыманы гэтым урадам публічна, ды яшчэ не выконвае рашэнні прэзідэнта… Якая павінная быць мая рэакцыя? Я што, павінен з боку глядзець?» – запытаўся кіраўнік дзяржавы.
«У нас ёсць прыклады недалёка, калі ўсе глядзяць з боку і нічога не робяць. І вы ведаеце, якая рэакцыя народу», – дадаў Аляксандр Лукашэнка.
Аляксандр Лукашэнка адзначыў, што некаторыя намякаюць на выбары і кажуць пра тое, што прынятыя рашэнні – гэта папулізм.
«Я калі прачытаў, сам падумаў, а калі ў нас выбары прэзідэнцкія… Аказваецца, у нас у 2020-м годзе толькі тэрмін. Гэта яшчэ паўтэрміна. Які папулізм пад выбары? Гэта камусьці хочацца, каб выбары былі заўтра ці паслязаўтра. Але я ўжо на гэтае пытанне адказваў. Выбары прэзідэнцкія мы правядзем строга паводле Канстытуцыі нашай краіны. У нас няма ніякай неабходнасці сёння ці заўтра праводзіць наступныя прэзідэнцкія выбары і пад гэта развіваць нейкі папулізм. Дурасць несусветная!» – падкрэсліў Лукашэнка.
«Некаторыя глыбей глядзяць: »Гэта – прысуд сістэме«. Гэта значыць сістэма ўлады, палітыка ўнутры краіны не тая, сістэма дрэнная», – заўважыў кіраўнік Беларусі, выказваючыся пра каментары асобных людзей.
«Гэта камусьці хочацца, каб быў такі прысуд сістэме. Ці, як некаторыя кажуць: »Сістэма пахіснулася «. Дык вось гэтыя рашэнні як раз і прынятыя, каб сістэма не пахіснулася», – заявіў кіраўнік краіны. Паводле яго, іншай сістэмы ў Беларусі няма, і ніхто не прапанаваў іншай сістэмы і ўлады, і развіцця Беларусі наўзамен той, якая існуе.
«Адна балбатня», – звярнуў увагу кіраўнік дзяржавы.
«І потым, я ўжо таксама звяртаў увагу. Бо, калі я прымаю нейкія рашэнні, даю ўказанні, гэта не экспромт. Гэта выпакутаваныя рашэнні разам з урадам, з вамі», – сказаў ён. Гучаць таксама прапановы абвясціць адкрыты конкурс на пасады ва ўрадзе. «Мы нагледзеліся ў краінах Усходняй Еўропы, у Расеі іх праводзілі, ва Украіне, мы наглядзеліся на гэтыя конкурсы. І што?» – сказаў кіраўнік дзяржавы. Ён падкрэсліў, што патрэбныя дасведчаныя людзі, якія ўмеюць нешта рабіць.
«Некаторыя, асабліва расейцы», плявузгаюць«, інакш не скажаш: »Лукашэнка хоча нешта паказаць або паказацца Пуціну «. Слухайце, мы адзін аднаго ведаем, напэўна, больш за 20 гадоў. Мне што паказваць трэба Пуціну? Ён мяне ведае, як у народзе кажуць, як аблупленага. І я яго так сама ведаю. Што нам адзін аднаму яшчэ паказваць? Я ў Крэмль даваць справаздачу не езджу. Мы дамовіліся пра нашыя ўзаемаадносіны. У нас самыя прасунутыя адносіны – у саюзе Беларусі і Расеі. Мы заключылі масу, больш за сотню нарматыўна-прававых актаў, у нас створаная пэўная база. Мы вусна можам прымаць рашэнні і рэалізоўваць іх. У нас вельмі добрыя і блізкія адносіны », – сказаў кіраўнік Беларусі.
«Але што мы хочам ад Расеі? Калі Расея падпісала з Беларуссю дамову, пагадненне, мы патрабуем, каб гэта бездакорна выконвалася. І я адкрыта кажу, што мы ніколі не станем васаламі ніводнай краіны. Не трэба ад нас патрабаваць, як некаторыя пачынаюць ужо на злобу дня пісаць: »Трэба хутчэй Лукашэнку ўступіць у склад Расеі і Беларусь туды скінуць«. »Гэта будуць апошнія дні палітыка ў Беларусі, які прыме такое рашэнне. І навошта гэта ў сучасным свеце? Мы можам існаваць у саюзе з Расеяй і вырашаць нашы агульныя задачы без аніякіх праблемаў. Гэта самая блізкая нам краіна. Мы адзін народ фактычна. Мы ад аднаго кораня, – беларусы, расейцы і ўкраінцы«, – заявіў Аляксандр Лукашэнка. »Мы не хочам паўтарэння таго, што адбываецца ва Украіне з Расеяй – канфлікт гэты. Нам гэта не трэба. І Расеі гэта не трэба. Таму што ў яе адзінае акно ў 1 тыс. кіламетраў з усходу на захад – гэта Беларусь. Расея мае патрэбу ў стабільнай Беларусі», – адзначыў Аляксандр Лукашэнка.
Кіраўнік дзяржавы адзначыў, што Расея баіцца страціць Беларусь, некаторыя кажуць, што рэспубліка разгарнулася на Захад.
«Ды нікуды мы не разгортваліся і разгортвацца не збіраемся. Наш лёс вызначана госпадам быць тут – у цэнтры Еўропы. Вось гэтым трывалым моцным мастом паміж Усходам і Захадам», – падкрэсліў ён.
«Некаторыя нашыя грамадзяне занадта радыкальныя. І раяць прэзідэнту: «Саджаць усіх трэба, а не звальняць». Вінаватыя сядуць. Але ў краіне павінен быць закон, і ўсё павінна быць паводле закону. І іх нямала ўжо пасадзілі – тых, хто парушае гэты закон. І гэты закон для ўсіх аднолькавы: і для чыноўнікаў, і для рабочых, і для сялянаў, для спецыялістаў, настаўнікаў і лекараў…. Усё будзе паводле закону», – падкрэсліў кіраўнік дзяржавы.
Аляксандр Лукашэнка нагадаў, што карупцыя недапушчальная.
«І вас хачу пра гэта папярэдзіць асоба. Таму што заўтра вакол вас пачнуць віцца бізнесоўцы і іншыя, якія хочуць лёгкага жыцця. Вы з усімі сустракайцеся, размаўляйце, хадзіце з імі ў лазню, калі хочаце. Можаце з імі нават сто грам выпіць. Але памятайце, што вы – людзі дзяржаўныя. Маральны вашае аблічча і паводзіны на вачах у людзей. У мяне няма звычкі хадзіць за чыноўнікам, і нават чальцом ураду, глядзець, куды ён пайшоў. Хадзіце, куды хочаце. Гэта вашае права. Вы павінныя бачыць, чым жыве грамадства, і вы жывяце ў гэтым грамадстве. Але памятайце: на любое парушэнне, асабліва хабары, карупцыйныя і іншыя праявы, будзе імгненна рэакцыя з майго боку, як бы мне балюча гэта ні было», – папярэдзіў кіраўнік дзяржавы.
«Але паверце, мне больш балюча, чым каму-небудзь. Таму што вы – мае «дзеці». Мне што, прыемна было гэтых людзей (з папярэдняга кіраўніцтва ўраду – заўв.) звольніць? Дапусцім, Сямашка столькі прапрацаваў. І той жа Кабякоў – і там, і там… І Васіль Іванавіч Жарко. Але калі правалы ў працы… Калі ў Васіля Іванавіча Жарко карупцыянеры вакол… І я тройчы папярэджваў: паглядзі, разбярыся… А там – абвал… Як я магу працаваць з такім чалавекам?» – сказаў беларускі кіраўнік.
«Некаторыя перажываюць, што да майго прыезду, візіту ў той ці іншы рэгіён Беларусі марафет наводзяць. Хто дарогі мяняе, хто яшчэ нешта… Я скажу таксама па-народнаму: а як вы думалі? Калі да Качанавай або Сяргея Румаса прыходзіць госць, яны што, у доме не прыбіраюць? А тут жа прэзідэнт прыехаў. Ён, можа, адзін раз у пяцігодку або ў два-тры гады да цябе прыедзе. І ты што, парадак не навядзеш? Ну, гэта наагул абуральная была б непавага да прэзідэнта», – сказаў кіраўнік дзяржавы.
«Ну і потым, тое, што будзе зроблена, яно ж там застанецца. Я ж з сабой гэта не забяру», – падкрэсліў Аляксандр Лукашэнка. Паводле яго, непрымальна толькі адно: калі наводзяць глянец з таго боку, адкуль пад’едзе прэзідэнт:
«Але вы ведаеце маю практыку. Ніколі такога не было, каб я падышоў з боку гэтага глянцу і не зайшоў з адваротнага боку. Таму я ўсё бачу. Але людзі павінныя разумець, што дабрабыт, чысціня і парадак у горадзе, на вёсцы залежаць не толькі ад чыноўнікаў, але і ад саміх гэтых людзей. Таму калі хтосьці да прыезду прэзідэнта зробіць добрую справу, я буду толькі ўдзячны. Але гэта павінна быць планава, людзі павінныя бачыць карысць ад гэтага, гэта не павінна быць паказушным. Ніякіх пацёмкінскіх вёсак у Беларусі няма і ніколі не будзе».