Пра гэта выданню «Востраў» паведаміла крыніца, блізкая да кіраўніцтва «рэспублікі».
«Плебісцыт» мяркуецца правесці праз некалькі тыдняў пасля «выбараў» мясцовых органаў улады, якія прызначаныя на 18 кастрычніка. Арганізуюць яго тыя ж выбарчыя камісіі.
Апытальныя лісты ўжо раздрукаваныя «у трыкалоравым выкананні».
Прарасейскія сепаратысты «ДНР» раней заяўлялі, што не прызнаюць закон аб мясцовых выбарах, падпісаны Пятром Парашэнкам, бо ён прыняты ў парушэнне Менскіх пагадненняў, і таму плануюць правесці іх згодна са «сваім заканадаўствам». Таксама паведамлялася, што ў некаторых населеных пунктах Данбасу выбары не адбудуцца. Напрыклад, у Дэбальцава.
Тым часам, у АБСЕ паведамілі пра значнае пагаршэнне сітуацыі каля Данецку, Горлаўкі і Марыупалю.
ДР, belsat.eu