«Белсат» запытаўся ў жыхароў Берасця, ці не хочацца ім часцей наведваць Еўропу?
У Бруселі адбываецца другі раўнд перамоваў паміж Беларуссю і Еўразвязам наконт спрашчэння візавых працэдураў. Асноўная інтрыга: ці ўдасца дамовіцца дыпламатам аб тым, каб пры атрыманні візы выкарыстоўваўся строгі спіс дакументаў без данясення дадатковых. Таксама абмяркуюць магчымае павелічэнне тэрміну дзеяння візаў.
Ці стануць беларусы часцей ездзіць у Еўропу і хто ім замінае гэта рабіць цяпер?
Нехта з апытаных не хоча ў Еўропу, бо там народ больш убогі. «У іх шмат тавараў, а збыту няма. Еўропа, думаю, не варыянт. Расея – так», – адказаў спадар.
Іншыя ж мяркуюць, што паездкам беларусаў на Захад будуць перашкаджаць улады.
Больш – у відэаматэрыяле.
МЯ, belsat.eu
