Прынамсі чацвёра асобаў загінулі і больш як два дзясяткі былі параненыя ў выніку абстрэлу 29 ліпеня расейскімі войскамі гарадоў на ўсходзе Украіны.
У Сумах расейская ракета трапіла ў навучальную ўстанову, паведамілі ў абласной вайсковай адміністрацыі. Як адзначае «Суспільне», выбух прагрымеў каля 20:00. Адбылося гэта да аб’яўлення паветранай трывогі.
Паводле Сумскай гарадской рады, загінулі двое асобаў і яшчэ 20 пацярпелі. Працягваюцца разбор завалаў і эвакуацыя насельніцтва.
Яшчэ двое асобаў – 32-гадовая жанчына і 45-гадовы мужчына – загінулі ў Запарожжы, распавёў кіраўнік Запарожскай абласной вайсковай адміністрацыі Юрый Малашка. Дзве жанчыны 36 і 55 гадоў з лёгкімі пашкоджаннямі былі дастаўленыя ў больніцу.
У выніку ракетнага ўдару выбухной хваляй былі выбітыя вокны ў шматпавярхоўках і пашкоджаны будынак адукацыйнай установы, а таксама супермаркет.
Якуб Хруст belsat.eu
