Абвешчаны збор сродкаў для сямʼі беларускага добраахвотніка Эдуарда Лобава, які загінуў на вайне за Украіну. Сямʼі патрэбныя сродкі для арганізацыі развітання.
Пахаванне беларускага ваяра-добраахвотніка Эдуарда Лобава пройдзе ў Варшаве, дзе цяпер жыве ягоная сямʼя. Сродкі для арганізацыі развітання з гераічным беларусам можна пералічыць ягонай маці Марыне Лобавай.
Рэквізіты для грашовага пераліку:
Bank Millennium S. A.
IBAN: PL 751160 2202 0000 0003 6482 8385
SWIFT: BIGBPLPW
Уладальнік рахунку: MARYNA LOBAVA
Нагадаем, што пра гібель Эдуарда Лобава стала вядома 27 студзеня. Ён быў смяротна паранены пад украінскім Вуглядарам, дзе ваяваў у складзе ЗСУ, каб спыніць расейскую агрэсію супраць Украіны. Лобаў бараніў Украіну са зброяй у руках з 2015 года. А да гэта быў актывістам, бараніў ад дыктатуры Беларусь. У 2010 годзе абвешчаны палітвязнем. Ён адмаўляўся пісаць прашэнне на памілаванне і цалкам адбыў 4-гадавы тэрмін у адной з найгоршых турмаў Беларусі – івацэвіцкай калоніі «Воўчыя норы». Эдуарду Лобаву было 34 гады.
Паведамлялася, што абраная прэзідэнтка Беларусі Святлана Ціханоўская выказала словы спачування ў сувязі з гібеллю беларускага ваяра.
Антон Тачняк belsat.eu
