Трое марскіх пяхотнікаў ЗША загінулі 27 жніўня ў выніку крушэння самалёта ля берагоў паўночнай Аўстраліі падчас перавозу войскаў для вучэнняў «Predators Run 2023», паведамляе CNBC.
Яшчэ пяцёх вайскоўцаў даставілі ў Каралеўскі шпіталь Дарвіна ў цяжкім стане. Агулам на борце «MV-22B Osprey» былі 23 марскія пяхотнікі. Прычына катастрофы расследуецца.
Крушэнне адбылося на аддаленых астравах Тыві раніцай паводле мясцовага часу.
У вучэннях «Predators Run 2023» удзельнічалі каля 2500 вайскоўцаў з Аўстраліі, ЗША, Філіпінаў, Інданезіі ды Усходняга Тымору.
Увечары 23 жніўня ў Цвярской вобласці Расеі разбіўся бізнес-джэт «Embraer Legacy RA-02795», які ляцеў з Масквы ў Санкт-Пецярбург. На борце, паводле «Росавіяцыі», былі кіраўнік ПВК Вагнэра Яўгеній Прыгожын і камандзір Дзмітрый Уткін, а таксама іншыя прадстаўнікі кіраўніцтва вагнэраўцаў. Усяго на рэйсе было 10 чалавек: сем пасажыраў і трое чальцоў экіпажу. Усе загінулі.
У забойстве кіраўніка наймітаў, які 23 чэрвеня распачаў вайсковы мяцеж, падазраюць прэзідэнт Расеі Пуціна. Аднак улады РФ сваю датычнасць да катастрофы самалёта Прыгожына адмаўляюць.
Якуб Хруст belsat.eu