Самалёт пажарнай службы пацярпеў крушэнне на востраве Эўбея недалёка ад гораду Карыстос у Грэцыі днём 25 ліпеня. У гэты час ён тушыў лясны пажар, пры развароце пачаў зніжаць вышыню і ўрэзаўся ў скалу. Верагодна, экіпаж загінуў, паведамляе мясцовае выданне Iefimerida.
На борце самалёта знаходзіліся два пілоты, верагодна, яны загінулі. Сувязі з імі няма. Да месца крушэння ўжо прыбылі пажарныя службы.
У апошнія дні ў Грэцыі ўстанавілася анамальная спякота, праз якую па ўсёй краіне пачаліся моцныя лясныя пажары і эвакуацыя мясцовых жыхароў і турыстаў з небяспечных рэгіёнаў. Толькі з вострава Радос уладам прыйшлося эвакуяваць 19 тысяч чалавек. Праз гэта Міністэрства па кліматычных крызісах і грамадзянскай абароне Грэцыі заявіла, што надзвычайная сітуацыя на востраве Радос прывяла да найбуйнейшай у гісторыі эвакуацыі праз лясныя пажары. На востраве Эўбея ўлады эвакуявалі жыхароў чатырох вёсак.
Пажарныя ў Грэцыі спрабуюць лакалізаваць больш за 80 лясных пажару па ўсёй краіне, 64 з якіх успыхнулі ў нядзелю, паведамляе Бі-Бі-Сі.
Улетку і ўвосень мінулага году пажары таксама ахапілі некалькі рэгіёнаў Грэцыі.
Алена Рувіна belsat.eu
