Вайсковы самалёт пацярпеў крушэнне падчас выпрабавальнага палёту ў Іркуцку. Самалёт упаў у прыватным сектары на двухпавярховы дом, паведамляе «РИА Новости» са спасылкай на МНС.
Па інфармацыі газеты «Известия», абодва пілоты знішчальніка загінулі. Ці ёсць ахвяры сярод цывільных – невядома.
У сеціве з’явілася відэа падзення самалёту і пажару. Паводле відавочцаў, агонь перакінуўся на суседнія будынкі і цяпер гарыць вельмі шмат дамоў, піша «Иркутск онлайн».
Пра прычыны катастрофы пакуль нічога не паведамляецца.
Гэта ўжо другая катастрофа вайсковай авіяцыі Расеі за гэты тыдзень. 17 кастрычніка самалёт Су-34 з поўным боекамплектам упаў у двары жылога дому ў горадзе Ейск Краснадарскага краю. Пасля аварыі боепрыпасы знішчальніка ўзарваліся, агонь ахапіў 9-павярховы дом. Загінулі 15 чалавек, лётчык катапультаваўся.
Глеб Нержын belsat.eu
