Пратэст Greenpeace перад Бундэстагам і вялікая паводка ў Італіі. Галоўныя здымкі тыдня

Нягледзячы на нядаўнія абмены ракетнымі ўдарамі паміж Ізраілем і палестынскім рухам «Ісламскі джыхад» у сектары Газа, у Ізраіле адбыўся «Марш сцягоў» – традыцыйнае шэсці па вуліцах Іерусаліма, на якое сабраліся тысячы людзей. Іерусалім, Ізраіль.

Украінскія вайскоўцы страляюць з гарматы па расейскім пазіцыям ля Бахмуту, Данецкая вобласць, Украіна.

Лідары краінаў «Вялікай сямёркі» праходзяць міма Хірасімскага мемарыялу памяці, адзіным збудаваннем, уцалелым пасля скіду першай атамнай бомбы Узброенымі сіламі ЗША 6 жніўня 1945 года. Тады будынак часткова абрынуўся ад ударнай хвалі, а ўсе людзі, якія знаходзіліся ў будынку ў момант выбуху, загінулі. Хірасіма, Японія.

Карэнныя жыхары моляцца аб дажджы на беразе возера Чыкабаль (Chicabal), якое ўтварылася ў кратары патухлага вулкану і лічыцца народам мая святым месцам. Сан-Марцін-Сакатэпэкес (San Martin Sacatepequez), Гватэмала.

Блізкія ўкраінца Уладзіміра Нэстара развітваюцца з загінулым у баі з расейскімі войскамі салдатам у Львове, Украіна.

Людзі перасякаюць разбураны мост пасля трапічнага цыклону Мока у лагеры для бежанцаў у вёсцы Сітўэ, М’янма.

Экалагічная арганізацыя Greenpeace вывела статак кароваў на газон перад будынкам нямецкага парламента ў знак пратэсту супраць утрымання кароваў у стайнях. Берлін, Нямеччына.

Затопленыя дамы і верхавіны дрэваў бачныя ў горадзе Чэзена (Cesena). У выніку паводкі пасля моцных дажджоў у паўночнай частцы італьянскага рэгіёну Эмілья-Рамання (Emilia Romagna) па стане на 19 траўня загінулі 14 чалавек. Чэзена, Італія.

Пажылая пара фатаграфуецца на «Дзень вышыванкі» – свята, якое адзначаецца з 2006 года ў трэці чацвер траўня. Кіеў, Украіна.

Мужчына збірае пустыя пластыкавыя бутэлькі для продажу кампаніям па перапрацоўцы другаснай сыравіны на гарадской смеццевай звалцы Манагуа, Нікарагуа.

Пераможца «Еўрабачання-2023» шведская спявачка Лёрээн прамаўляе на сцэне ў парку Кунгстрадгардэн у Стакгольме, Швецыя.

Прыхільнікі прэзідэнта Турцыі Рэджэпа Таіпа Эрдагана размахваюць сцягамі ля штаб-кватэры Партыі справядлівасці і развіцця пасля закрыцця выбарчых участкаў у Турцыі. Гэтыя прэзідэнцкія і парламенцкія выбары ў Турцыі называюць гістарычнымі, паколькі ўпершыню за 20 гадоў кіравання Эрдагана ў апазіцыйнага кандыдата, Кемаля Кылычдараглу, ёсць шанец перамагчы. Анкара, Турцыя.