Падчас саміту Шанхайскай арганізацыі супрацы (ШАС) у Узбекістане мусіла адбыцца сустрэча Аляксандра Лукашэнкі з Уладзімірам Пуціным. Яе анансавалі яшчэ ў канцы жніўня. Але пра факт перамоваў нічога не паведамляецца.
Прэс-служба Аляксандра Лукашэнка 31 жніўня распавяла падрабязнасці размовы з Уладзімірам Пуціным, якая адбылася напярэдадні. Як паведамлялася, Лукашэнка і Пуцін дамовіліся правесці сустрэчу на палях саміту ШАС 15-16 верасня ва Узбекістане.
Але станам на 17 верасня нічога пра сустрэчу так і невядома.
Паводле прэс-службы Лукашэнкі, ён сустрэўся толькі з кіраўнікамі Ірану, Кітаю, Пакістану і Узбекістану.
У сваю чаргу Крэмль паведамляе пра сустрэчы Пуціна з лідарамі Азербайджану, Індыі, Ірану, Кітаю, Кыргызстану, Манголіі, Пакістану, Туркменістану, Турэччыны і Узбекістану.
Пра тое, што адбылася сустрэча Пуціна з Лукашэнкам, не паведамляе ніводны з бакоў.
Якуб Хруст belsat.eu
