«Сапраўднага міру і сапраўднай бяспекі». Святлана Ціханоўская павіншавала беларусаў з Вялікаднем
Абраная прэзідэнтка Святлана Ціханоўская павіншавала беларусаў, якія сёння святкуюць Вялікдзень. «Зычу кожнай сям’і сапраўднага міру, сапраўднай бяспекі і сапраўднай стабільнасці», – сказала лідарка.
У адмысловым звароце Святлана Ціханоўская заўважыла, што ў гэты дзень шмат якія сем’і адзначаюць свята разам за вялікім сталом. Аднак цяпер у размовах абмяркоўваюць несвяточныя рэчы.
«Цяпер у Беларусі апошнія навіны – размяшчэнне ў Беларусі расейскай ядравай зброі, вайна ва Украіне, рост цэнаў, нізкія пенсіі і заробкі. Мне падаецца, што гэта не тыя тэмы, якія хочацца абмяркоўваць у светлае свята Вялікадня», – сказала абраная прэзідэнтка.
Яна пажадала кожнай беларускай сям’і «сапраўднага міра, сапраўднай бяспекі і сапраўднай стабільнасці»:
«Каб вам і вашым блізкім не даводзілася абмяркоўваць за святочным сталом магчымасць ядравай вайны, а каб вы маглі абмяркоўваць, у які ўніверсітэт будуць паступаць вашыя дзеці ці куды вы гэтым летам паедзеце адпачываць. Міру вам і дабрабыту!»
Сяргей Крот belsat.eu
