Еўрапейскі парламент прыняў рэзалюцыю, паводле якой прызнае Галадамор генацыдам украінскага народу. За рэзалюцыю прагаласавалі 507 дэпутатаў.
Еўрапарламент. Крыніца: evo-news.ru
507 дэпутатаў Еўрапейскага парламенту падтрымалі рэзалюцыю аб прызнанні Галадамору генацыдам украінскага народу. Паводле дакументу, eўрапарламентары заклікаюць усе краіны і арганізацыі, якія пакуль не прызналі Галадамору генацыдам украінскага народу, зрабіць гэта.
У рэзалюцыі таксама адзначаецца, што абяленне і гераізацыя таталітарнага савецкага рэжыму і адраджэнне культу Сталіна прывялі да таго, што Расея стала «дзяржавай – спонсарам тэрарызму». У дакуменце таксама праводзяцца паралелі паміж Галадаморам і злачынствамі, якія Расея здзяйсняе падчас уварвання ва Украіну.
Алена Аляксандрава belsat.eu
