Кіраўнік СК Беларусі накіраваў у Маскву віншаванні з нагоды дня ўтварэння Следчага камітэту Расеі. «Следчыя Беларусі заўсёды былі і з’яўляюцца вернымі таварышамі, якія гатовыя стаяць плячо ў плячо на варце правапарадку на тэрыторыі нашай Саюзнай дзяржавы», – адзначыў Дзмітрый Гара.
У Telegram-канале Следчага камітэту Беларусі апублікавалі віншаванні свайго старшыні з нагоды дня ўтварэння СК Расеі. Дзмітрый Гара ўпэўнены, што расейскае ведамства забяспечвае «сацыяльна-эканамічную бяспеку, правапарадак і з’яўляецца неад’емным звяном у сістэме абароны правоў, законных інтарэсаў грамадзянаў, грамадства і дзяржавы».
«Будучы сапраўднымі афіцэрамі і патрыётамі сваёй краіны, вы ўжо не раз даказалі на справе, што веру ў закон і непадробнае пачуццё справядлівасці нельга зламаць. У сваю чаргу, следчыя Беларусі заўсёды зʼяўляліся і зʼяўляюцца вернымі таварышамі, якія гатовыя стаяць плячо ў плячо на варце правапарадку на тэрыторыі нашай Саюзнай дзяржавы», – гаворыцца ў віншаванні кіраўніка беларускага СК.
Дзмітрый Гара першую вышэйшую адукацыю атрымаў у Маскве: у 1993 годзе скончыў Ваенны Чырванасцяжны інстытут паводле спецыяльнасці «Правазнаўства».
Сяргей Крот belsat.eu
