Калі не будзе спорту, то моладзь зоймецца дрэннымі справамі, кажуць беларусы.
Аляксандр Лукашэнка заявіў, што спартоўцы мусяць больш дбаць пра самастойнае здабыванне грошай: «Няхай спартовыя арганізацыі не разлічваюць заўжды вісець на шыі дзяржавы».
Карэспандэнты «Белсату» запыталіся ў магілёўцаў з гэтай нагоды, ці варта даваць грошы на развіццё спорту.
Усе апытаныя згаджаюцца: даваць грошы на спорт не толькі варта, а нават неабходна. Людзі непакояцца, што без спорту беларуская моладзь не будзе ведаць, як правесці свой вольны час і сыдзе на «дрэнны шлях». «Моладзь павінна нечым займацца, бо калі яны будуць мець зашмат вольнага часу, то знойдуць неадпаведны занятак», – адказвае на пытанне спадарыня.
Некаторыя з магілёўцаў мяркуюць, што ў Беларусі ўжо дастаткова лядовых палацаў, а грошы трэба ўкладаць у развіццё дзіцячага спорту. Некаторыя ж перакананыя: варта працягваць будаўніцтва палацаў.
{movie}Апытанне: Ці варта ўкладаць грошы ў спорт? |right|8867{/movie}
Падрабязнасці – у відэаматэрыяле.
Максім Ярашэвіч, belsat.eu
