Дарадца Святланы Ціханоўскай Франак Вячорка паведаміў, што Міжнародная арганізацыя працы (МАП) 8 лістапада прыняла рашэнне прымяніць 33 параграф у дачыненні да рэжыму ў Беларусі за сістэматычныя парушэнні правоў працоўных і прафсаюзаў, а таксама за ігнараванне рэкамендацыі МАП.
Франак Вячорка паведамляе, што да сакавіка МАП павінна выпрацаваць санкцыйныя захады ў дачыненні да рэжыму Лукашэнкі, а ў чэрвені іх прыняць на Канферэнцыі працы – 2/3 сяброў павінны будуць прагаласаваць «за».
«Гэта могуць быць эканамічныя санкцыі аж да эканамічнай блакады. Гэта яшчэ можна спыніць, калі рэжым спыніць рэпрэсіі, вызваліць людзей з турмаў, адновіць звольненых на працы», – дадаў дарадца Ціханоўскай.
Такое рашэнне прымалася толькі аднойчы ў гісторыі: у 2011 годзе, у дачыненні да М’янмы пасля дзяржаўнага перавароту.
Алена Рувіна belsat.eu
