Чыгуначная катастрофа ў Індыі ды выбух халеры ў ПАР. Галоўныя здымкі тыдня

Украінец Пятро Івашка аплаквае 9-гадовую ўнучку Вікторыю, забітую падчас чарговага ракетнага абстрэлу Кіева. Толькі за травень украінская сталіца перажыла мінімум 16 атак ракетамі і дронамі-камікадзэ з боку Расеі. Кіеў, Украіна.

Каля 30 чалавек з Сірыі і Іраку, у тым ліку 11 дзяцей, затрымаліся на нейтральнай тэрыторыі паміж Беларуссю, якая не ўпускае мігрантаў назад, і Польшчай, якая таксама не дазваляе людзям мінуць мяжу.

Украінскі вайсковец рыхтуецца да запуску выведнага беспілотніка паблізу лініі фронту ў Данецкай вобласці, Украіна.

Карэнныя народы Бразіліі трымаюць нацыянальны сцяг, вымазаны чырвонаю фарбаю, падчас маршу пратэсту супраць законапраекту, які зменіць палітыку размежавання тэрыторыяў карэннага насельніцтва. Бразілья, Бразілія.

У выніку чыгуначнай катастрофы ў Індыі, дзе сутыкнуліся тры пасажырскія цягнікі, загінулі мінімум 288 асобаў, пацярпелі не менш за 900. Гэта найбуйнейшае здарэнне на індыйскай чыгунцы за 42 гады. Балясор (Balasore), Індыя.

Мужчына скача праз быка падчас традыцыйнай імпрэзы «Course Landaise», што ладзяць на паўднёвым захадзе Францыі з траўня да кастрычніка. Удзельнікі, якія стаяць перад быкамі, павінны пазбягаць кантакту з жывёлінамі, пераскокваючы праз іх або ўхіляючыся ад іх. Самадэ (Samadet), Францыя.

Гульцы ФК «Сэвілля» святкуюць перамогу ў фінальным футбольным матчы Лігі Еўропы УЕФА паміж іспанскаю «Сэвіллю» ды італьянскім футбольным клубам «Рома» ў Будапэшце, Вугоршчына.

Разгорнуты палявы шпіталь у паўднёваафрыканскім рэгіёне Гаманскраал. У выніку выбуху халеры ля сталіцы Паўднёва-Афрыканскай Рэспублікі Прэтор’я памерлі прынамсі 23 чалавекі, улады заклікаюць жыхароў рэгіёну не піць вады з-пад крана. Апошні выбух у Паўднёвай Афрыцы быў у 2008–2009 гадах, калі былі зарэгістраваныя каля 12000 выпадкаў. Гаманскраал, ПАР.

Сенегальскі жандар каля падпаленых апонаў падчас акцыяз пратэсту ў Дакары супраць арышту лідара апазіцыі Усмана Сонка. Палітыку прысудзілі два гады турэмнага зняволення паводле артыкулу аб разбэшчванні моладзі. Прыхільнікі Сонка мяркуюць, што з дапамогаю прысуду ўлады спрабуюць сарваць ягоны ўдзел у прэзідэнцкіх выбарах 2024 года. Дакар, Сенегал.

Украінская супрацьпаветраная абарона перахапляе дрон-камікадзэ «Shahed-136/131» у паветры над Дняпром падчас трэцяй расейскай паветранай атакі на ўкраінскую сталіцу за апошнія 24 гадзіны. Кіеў, Украіна.